مزايا ومجالات كلية اقتصاد وعلوم سياسية

لو انت طالب ثانوية عامة و لسه مخلص و محتار انهي كلية تخشها
محدد بس مش عارف اي معلومة عن الكلية
طالب ادبي او علمي

هنجاوب على اغلب اسئلة الفتره دي عن الكلية
طبعا باين من اسم الكلية انها كلية اوسفراء و الدبلوماسيين و رجال الاقتصاد
و المناصب العليا في الدوله بالإضافة انها من الكليات العليا بالنسبة للشعبه الادبي
خصوصا من حيث الاقبال في التنسيق، كمان الكلية تعتبر عمليه من حيث الدراسة
كمان مم حيث الأنشطة لانها بتيح للطلبة الاحتكاك بالوفود الخارجية المهمه عشان
يكون الطالب على شبه درايا بالعالم الخارجي - هتشوف البدل ال بنشوفها فى الاخبار
على الحقيقة -
بس قبل م تتحمس اوي كده لازم تعرف ان الكلية مش منتشرة كتير للاسف و مش
موجوده غير في جامعة القاهرة و بيسموها حجر الاساس، و جامعة إسكندرية
وحديثا بقت موجوده كمان في جامعة بني سويف و قناة السويس
الكلية عباره عن ٣ اقسام اساسيين هم: الاقتصاد،والعلوم السياسية، والاحصاء
بتتخصص فيهم من سنه ثانيه و بيكون على حسب الرغبة ظاهريا و على حسب
التنسيق واقعيا
بتيجي ف سنه ثالثه تختار التخصص الفرعي و هم: إدارة عامة او حاسب آلي
الكلية بتكون ٤ سنين زي اغلب الكليات - او ٥ او ٦ كل واحد و شطارتة -
زهقت؟ تعتلى احمسك تاني و اقولك حكيلك شويه عن الاقسام الأساسية
نبدأ بقسم الاقتصاد: و ده بقى اشهر قسم فى الكلية و غالبا اعلى تنسيق بسبب
العدد الى عليه
ب ليه اشهر قسم؟ اولا كده القسم ده هيعجب الناس ال بتميل الدراسه العملية لامنه
الجزء العلمي فيه اكبر شويه عن النظري لان القسم ده بتتعدد فرص عمله بعد
التخرج ان شاء الله من بنوك و بورصة و شركات استثمار و بترول و كمان
الوزارات زي وزارة المالية و وزارة التجارة، و طبعا كله بعتمد على
توفيق ربنا اولا و اجتهادك داخل الكلية ثم شغلك على نفسك ثانيا
ف علوا الهمم ي شباب⁦ ⁩
نيجي لقسم علوم سياسية: او بمعنى اصح نيجي الناس اا بتحب تحفظ، القسم
ده بيعتمد على النظري و و التعمق فى النظريات و الأفكار السياسية القديمة
و الجديدة بجانب استمرارية طول السنة في عمل الأبحاث و الانشطة
بتشتغل فين: عد عندك مراكز بحوث حكومة او خاصة، السلك الدبلوماسي
و السفارات، الاحزاب السياسية و العمل الميداني، المؤسسات التنفيذية
و التشريعية
اخر قسم و هو الاحصاء و ده مش موجود غير فى جامعة القاهرة فقط
ده بقى حبيب بتوع علمي رياضه و الى كل ميلهم العملى القسم ده اكثر
قسم بيعتمد على العملي و بيتحيلك تشتغل فى اي شركه اي مكان فيه قسم
احصاء
اي التشابه طب بين الأقسام؟ بيتشابهوا من حيث فرص العمل فى أنك
تقدر من اي قسم تخش مجال التدريس الجامعي اوي الاعلام او مراكز البحوث
اي تاني؟ كمان بيتشابهوا فى عدد المواد، كل سنه بتدرس ٥ مواد مختلفه
و السنه الاولى بتقتصر على نبذة لكل مادة
و طبعا منسيناش المدارس التجريبية و الفرنسية و الكلية وفرت ٣ فروع
دراسة فيها ب ٣ لغات مختلفة و هي العربي و الانجلش و الفرنساوي
و ده بيتحدد من بعد القبول ف الكلية و بدا تقديم الأوراق
طب اي شروطهم؟
اولا الانجليزيه بتحتاج انك تكون جايب مش اقل من ٤٢ من ٥٠ في اللغه
و بيكون في امتحان قدرات قبل دخول القسم
بالنسبة الفرنسية و هي فيها شروط اكثر شويه
اولا الشعبة دي في جامعة القاهرة بس
ثانيا الخريج منها بيحصل على بكالوريوس مزدوج من جامعة القاهرة
و وجامعة بانتيون سوريون بفرنسا
و لازم يكون معاك شهادة ال DELF B2 و لغير الحاملين شهادة دراسة
فرنسية
كمان لازم تعدي ٦٠% فيها اكثر من امتحان التقييم بتاع الكلية كمان
بيتم اختيار ٧٠ طالب بس من الوافدين

ــــــــــــــــ

كلية اقتصاد وعلوم سياسية .. ايه اقسامها ؟ بندرس ايه ؟ طب مجالات العمل ايه فيها ؟
---------------------------------------------------
الكلية فيها 3 شُعب، عربي وإنجليزي وفرنسي.. الانجليزي والفرنسي مصاريفهم بتوصل ل 8 آلاف تقريبا كل سنة.. أكتر أو أقل
الدراسة في الكلية 4 سنين، أول سنة بتدرس فيها مبادئ لكل التخصصات، ومن أول سنة تانية بتختار ما بين 3 تخصصات رئيسية ( علوم سياسية - اقتصاد - إحصاء ) .. وده حسب رغبة الطالب مالوش علاقة بتقديرك في سنة أولى.
كل ترم بتدرس متوسط 6 مواد تقريبا..
وفي سنة تالتة بتختار حاجة اسمها تخصص فرعي، التخصص الفرعي ده بتختاره ما بين 5 تخصصات ( ال 3 الرئيسيين + إدارة أو كمبيوتر ) ، وبحيث مايكونش التخصص الرئيسي زي الفرعي. يعني اختيارك ما بين 4 تخصصات بعد ما نشيل اختيار تخصصك الرئيسي. وده بيكون عبارة عن مادة واحدة في كل ترم، من أول سنة تالتة يعني 4 مواد على مدار السنتين.

---------------------------------------------------
قسم علوم سياسية:
علم السياسة هو علم حديث النشأة ويتبع العلوم الاجتماعية بشكل عام.
وعلم السياسة بينقسم لأكتر من تخصص كالتالي:
الفِكر والنظرية السياسية
النُظم السياسية
العلاقات الدولية
الفِكر السياسي بيدرس الأفكار والآراء السياسية اللي طرحها المُفكرين من أول الحضارة اليونانية لحد العصر الحديث، مرورا طبعا بالليبرالية والماركسية وغيره.
النظرية السياسية بتدرس برده الأفكار السياسية لكن بشكل مجرد، بتدرس الفكرة نفسها مش المُفكر نفسه.
النُظم السياسية بتدرس نُظم الحُكم في الدول المُختلفة، النُظم الغربية بشكل أساسي ( برلمانية، رئاسية، مُختلطة ) .. وعلى الهامش النُظم السياسية العربية وغيره.
العلاقات الدولية بتدرس النظريات التاريخية المختلفة في العلاقات بين الدول وتطور العلاقات الدولية.
علم السياسة مُرتبط بيه مجالات أخرى بتُعرف بالمجالات البينية، ودي المجالات اللي مشتركة بين السياسة وتخصصات أخرى ، مثلا : الاقتصاد السياسي، علم النفس السياسي، الاجتماع السياسي. وغيره من المجالات اللي أصبحت مهمة في فهم الواقع المُحيط بالإنسان وفهم علاقته بالآخرين وغيره من الأمور.
مجالات قسم علوم سياسية : الكلية بالأساس بتخرج ( باحث سياسي ) يعني مجال شغلك بشكل رئيسي في مراكز الأبحاث الحكومية ( زي الأهرام أو مركز دعم واتخاذ القرار أو بعض وزارات بتحتاج باحثين ) أو المراكز الخاصة زكمان مجال الصحافة . وفي الإعلام بشكل عام..تقدر كمان تشتغل في منظمات مجتمع مدني دا الى جانب التعيين فى وزارة الخارجية
---------------------------------------------------
قسم اقتصاد :
- علم الاقتصاد بشكل عام مقسم الى فرعين :
اقتصاد كلي " Macroeconomics " واقتصاد جزئي " Microeconomics "
الاقتصاد الكلي خاص بتوصيف اقتصاد الدول
الاقتصاد الجزئي خاص بتوصيف اقتصاد الشركات و المؤسسات و سلوك الأفراد
- تحت الفرعين دول بتندرج مجالات علم الاقتصاد المختلفة
- علم الاقتصاد بيهتم بالكم و الكيف و بيعتمد بشكل كبير على البيانات والأرقام
عشان كده الرياضة و الاحصاء أجزاء أصيلة فى دراسته
-علم الاقتصاد علم شامل لكل مجالات الحياة ... مش الجانب المالى فقط
عشان كده بندرس فى الكلية مواد زى الاقتصاد الرياضي Mathematical Economics
Economic Development - Industrial Economics- Institutional Economics
و مواد تانية بتربط الاقتصاد بنواحى الحياة المختلفة
-علم الاقتصاد فى مدارس فكرية مختلفة و جزء كبير من نظرياته قائمة على المدارس الفكرية دى ... اهمها الرأسمالية و الاشتراكية
مجالات قسم اقتصاد زى وزارات الاستثمار و المالية و التعاون الدولى و كمان المنظمات الدولية
ومراكز أبحاث اقتصادية حكومية وخاصة، باحث اقتصادي. بالإضافة للبنوك والبورصة والشركات الخاصة والعامة. وكمان الصحافة في جرايد اقتصادية أو جرايد عادية في القسم الاقتصادي
دراستك لعلم الاقتصاد مش معناها إنك بس بتفهم نظريات اقتصادية و تحل مسائل ....
دراستك للاقتصاد بتتطلب إنك تكون بتقرأ أبحاث دايما .. بتابع اﻷخبار بشكل مستمر ... عندك قدرات تحليلية ... عندك رؤية لتفسير بعض المشكلات الاقتصادية و حلها
مش مجرد أرقام و نظريات و بس
---------------------------------------------------
قسم إحصاء :
قسم إحصاء هو الأقل عدداً ويربط بين مواد الإحصاء والاقتصاد ..
طبيعة مواد القسم دا رياضية اساسها مواد الرياضة والإحصاء زى مواد التفاضل والتكامل اللى بتدرسها فى سنة أولى ومبنى عليها الأربع سنين
مواد القسم دا الى حد كبير نظرية والتطبيق معتمد على التدريبات الصيفية والكورسات
هتلاقى من أهم مقررات القسم دا التحليل الرياضى اللى مبنية على فهمك للتفاضل والتكامل بتستخدمها فى التحليل الإحصائى وازاى تستنتج المعلومات.
كمان مادة الاحتمالات اللى بتقوم على التجربة العشوائية وتعتمد على العديد من النظريات اللى تطبق عليها تحليلك
وباقى مواد القسم بتقوم على التحليل وجمع المعلوماتزى نظرية الإحصاءوالجبر الخطى وبحوث عمليات واحصاء سكانى وغيرها من المواد
مجالات قسم احصاء مراكز حكومية زي مركز الدعم واتخاذ القرار بمجلس الوزراء و مركز التعبئة والإحصاء أو مراكز خاصة ودي حاجة بدأت تنتشر زى مركز بصيرة لاستطلاعات الرأى