اعرف الفرق بين فنون جميلة ×تربية فنية × فنون تطبيقية !!!

فنون جميلة ×تربية فنية × فنون تطبيقية !!!

البوست ده هيكون للتعريف العام ب 3 كليات دايما الناس يتتلخبط م بينهم و مبيكونوش عارفين يفرقو إيه عن بعض

كلية الفنون الجميلة

كلية التربية الفنية

كلية الفنون التطبيقية

أولا الثلاث كليات في جامعة حلوان

ثانيا الثلاثة مدة دراستهم خمس سنين

كلهم ليهم إمتحانات قدرات بيتسحب إستمارة التقديم في إمتحان القدرات من مكتب التنسيق و تتقدم الإستمارة في الكلية و يتحدد ميعاد الإمتحان و يجب إجتياز امتحان القدرات لدخول الكلية

كورسات القدرات بتتاخد ممكن جوه الكليات نفسها او خارجية

فنون جميلة

* موجودة في الزمالك 4 شارع محمد ثاقب

* مفيش غير 5 كليات بس فنون جميلة في مصر اللي هم في جامعات حلوان – إسكندرية – الأقصر - المنيا - المنصورة

* الكلية بيدخلها علمي الشعبتين و أدبي

* الكلية 5 أقسام :

1- ديكور : بيدخلها علمي بس الشعبتين ---, بيخرج مهندسين ديكور سواء عمارة داخلية أو ديكور سينيما و مسرح و تليفزيون

2- عمارة : علمي رياضة بس -----, زي قسم عمارة في هندسة بالضبط لكن بيتفوق عليه في الفري هاند .. يعني مهارات الطلبة اليدوية بتكون أحسن

3- تصوير : علمي و أدبي ----, تصوير زيتي و جداري (المقصود بتصوير الرسم مش التصوير الفوتغرافي)

4 : جرافيك : علمي و أدبي ------, إعلانات و كارتون و فن كتاب و التصميم عموما

5- نحت : علمي و أدبي ----, بجانب النحت خريجين القسم ده بيشتغلو في مصانع العربيات و الموبيلات في التصميم بتاع المنتج

( أقسام نحت و جرافيك و تصوير يندرجو تحت اسم واحد و هو قسم فنون بمعني اللي عايز يتخل حاجة في دول أول سنة اللي هي إسمها إعدادي بيكون إسمها فنون عام و بعدين بيتخصص في تاني سنة لأي قسم من التلاتة)

* قسم عمارة تابع لنقابة المهندسين

* قسم ديكور تابع لنقابة مهندسين الديكور

باقي الاقسام تبع نقابة الفنانين التشكيليين.

#تربية_فنية

* برضو في الزمالك شارع إسماعيل محمد .. هي بالضبط النحاية التانية قدام فنون جميلة

* الكلية

طباعه..نحت..خزف..نجاره..اشغال يدويه(فن شعبي) ..تصميم..تصوير

مفيش اقسام للكليه غير في سنه 3 و بيبقوا تثقيفى و تربوى

قسم التثقيف بالفن بندرس فيها فلسفه فن و نقد و تذوق فنون .. اما التربوى علم نفس اكتر.

- مفيش فرق بين ادبى و علمى فالكليه

- تثقيفى بيبقوا ليهم الاحقيه يشتغلوا فقصور الثقافه زى المتاحف و دار الاوبرا و هكذا.

- تربوى ليهم الاحقيه يشتغلوا مدرسين تربية فنية

- طباعه تصوير تصميم نسيج اشغال نحت خزف دى المواد العملى

- المواد النظرى بقى تاريخ تربيه فنيه - عربى - english - تشريح - فنون حضارات

- #مش لازم حد يدخل قسم معين عشان يشتغل فى الحاجات اللى قلناها

و ممكن حد يبقى مهندس ديكور بس ياخد course

علما بأن النقد و التذوق الفني و علوم التربيه الفنيه دي مواد نظري.

و اهم حاجه ان الاقسام دي بتدرس كلها اجباري مش اختياري زي فنون جميله او تطبيقيه

الكلية تابعة لنقابة الفنون التشكيلية

فنون تطبيقية

* الكلية مكانها في منطقة الأورمان حي الدقي جنب جامعة القاهرة

* الكلية بتاخد من علمي بس

* في منها 3 كليات بس في مصر

* الكلية 14 قسم

* تبع نقابة المصممين او مصممي الفنون التطبيقية و فيها قسمين تبع نقابة المهندسين ( نسيج و طباعة المنسوجات)

الأقسام :

• الإعلان.

• الطباعة والنشر والتغليف.

• الأثاثات والإنشاءات المعدنية والحديدية.

• التصميم الداخلى والأثاث.

• التصميم الصناعى.

• الخزف.

• الزجاج.

• الزخرفة.

• الغزل والنسيج والتريكو.

• الملابس الجاهزة.

• المنتجات المعدنية والحلى.

• النحت والتشكيل المعمارى والترميم.

• طباعة المنسوجات والصباغة والتجهيز.

• الفوتغرافيا والسينما والتليفزيون.

* الكليات دي مجالتها كتيرة جدا و كلها مطلوبة في سوق العمل

أعمل تاج بقي لصاحبك المتلغبط و اللي مش عارف الفرق بين ال 3 🤭