ننشر التعليمات المنظمة للمدة الزمنية لمتابعة الموجه المالى والادارى للمدرسة

سائل يسأل
مطلوب التعليمات المنظمة المدة الزمنية لمتابعة الموجه المالى والادارى للمدرسة ؟
بداية لا توجد تعليمات منظمة للموجه المالي والاداري خاصة بالمدة الزمنية لمتابعة المدرسة
كما نوضح انه ليس لأحد مسائلة الموجه المالى لعدم متابعته مدرسة خلال فترة معينة
لماذا
هذا ما سوف اسرده بالتوضيح
تحدثت من قبل ان الموجه المالي والاداري وظيفته تعتبر من الوظائف الشاملة التى تختص بالتوجيه ثم المتابعة ثم التفتيش الدوري على اجهزة المديرية والادارات التعليمية وجميع المدارس ( بطاقة الوصف )
فالموجه المالي والاداري يعمل ٣٦٥ يوم في السنة وبالورقة والقلم ممكن نحسبها
اقل موجه مكلف بعدد ١٥ مدرسة ما بين مدرسة ابتدائة واعدادية وثانوية
واعلم ان هناك ادارات بعض الموجهين الماليين والاداريين مكلفين باكثر من ثلاثون مدرسة
عامة عمل الموجه المالي والاداري فيه ما هو دوري مثل اعداد تقارير التفتيش على المدارس وما هو سنوي مثل مراجعة ملفات المتقدمين وما هو غير دوري مثل المأموريات
اولا معدلات الدورة التفتيشية
المدرسة الابتدائية ثلاثة ايام
المدرسة الاعدادية ستة ايام
المدرسة الثانوية العامة والتجارة عشرة ايام
المدارس الصناعية خمسة عشرة يوما
وممكن تزيد المدة طبقا لكل مدرسة في حين ان هذه المعدلات تم وضعها في دليل التوجيه المالي والاداري عام ١٩٧٨ ايام ما كانت اكبر مدرسة بها ٢٠٠ تلميذ
على العموم مش هتفرق كتير
بس تعالوا كده نحسبها
لو الموجه المالي مكلف بخمس مدارس ابتدائي وخمس مدارس اعدادي وخمس مدارس ثانوي
يبقى علشان يخلص التقارير بيحتاج ٩٥ يوم للدورة الاولى وذيهم للدورة الثانية للتفتيش يعني ١٩٠ يوم للدورتين
اقسهم على اربعة ايام هتلاقي ستة شهور ونصف لاعداد التقارير فقط التفتيشية
العمل السنوي هو مراجعة شئون الطلبة طبعا ده يختلف عن مدرسة ومدرسة وطبعا اقل مدرسة هتراجع فيها يوم باقل تقدير لو المجموعة شغالة كويس معاك وطبعا في مدارس بتصل مراجعتها لمدة اسبوع المهم ممكن نقول شهر ونصف مراجعة باقل تقدير يعنى المجموع ثمان شهور
طبعا غير تكليفه بجرد المخازن وده شهر لوحده بعيد عن كل المدارس
طبعا الموجه المتمرس بيقدر يوزان كويس بين المدارس يعنى ممكن يقسم الاسبوع بين مدرستين لاعداد الدورة التفتيشية ويكمل في الاسبوع التالي
انتوا عارفين اكبر مشكلة بتواجه الموجه المالي هى تكليفه بالمأموريات سواء ( جهاز مركزي _نيابة ادارية _ شئون قانونية _محافظة _تنظيم وإدارة )
يعنى ممكن تكون مندمج في عملك ومظبط حالك انك تخلص تقرير مدرسة خلال اسبوع وما تدخلش المدرسة إلا بعد شهر بسبب المأموريات
طبعا التأخير يوم بيأثر على اجمالي الايام
غير انه ممكن يحصل على يوم اجازة ولا يفكر يأخذ اسبوع اجازة اعتيادية يعنى شغلك على دماغك محدش هيعمله غيرك
صراحة انا ما افتكرش سنة اخذت زيادة عن يومين عارضة مش اعتيادي
الخلاصة لو الموجه راعى ضميره ممكن يدخل المدرسة كل ثلاثة او اربعة شهور للدورة التفتيشية فقط
طبعا انا ما تكلمتش على عمله بطبيعته التوجيهية ولا المتابعة خالص يعنى وزع الشهرين الباقيين من العام على مدارسة كمتابعة للعمل يوم كده يوزعه للتوجيه والمتابعة على المدرسة وده طبعا صعب جدا انه يعمل يوم للمتابعة والتوجيه من غير ما يعد حاجة للدورة التفتيشية
تعالوا بقى نتكلم على موضوع اخر
عايز اوضح حاجه ليس شرطا عند وجود الموجه المالي في المدرسة مراجعة كل شيئ بها يعنى الموجه بيراجع للسكرتير ووجد السكرتير مش موجود ما فيش حاجة اسمها يشتغل مع التوريدات علشان ممكن يكون اعد الجزء الخاص بالدورة التفتيشية لها
ملحوظة ده اقل تقدير لكل المعدلات
ويا ريت ما لقيش واحد يقولى الموجه المالي ما حضرش المدرسة منذ شهرين ولا ثلاثة
سيادتك هو عارف شغله كويس وعارف المدرسة اللى عايزة متابعة مستمرة من المدرسة اللى مش محتاجه متابعة مستمرة يعنى بيكتفى بالدورة التفتيشية فقط بها
أ/ سعيد حماد