البحث و تسليمه س و ج

طالب:يا ميس

معلمة:نعم

طالب:انا مش فاهم هعمل ايه

معلمة :في ايه؟!🧕

طالب:في تسليم البحث يا ميس

معلمة :انت خلصته كتابة؟!

طالب:ايوة الحمد لله

معلمة:نقلته ولا كتبته لوحدك وتعبت فيه؟

طالب:لا والله يا ميس تعبت فيه وقعدت أسأل حتي سألت حضرتك كمان نعمل جزء الماث ازاي.. مش فاكرة؟

معلمة :طيب انت كتبته لوحدك ولا مع مجموعة ؟!

طالب :لوحدي🤭

معلمة:طيب ...انت كتبته word ولا علي ورق ؟

طالب:هتفرق يا ميس؟

معلمة :اه تفرق في التسليم.

طالب:كتبته وورد يا ميس .

معلمة :تمام...روح للملف افتحه ...واضغط من قايمة ملف علي حفظ بإسم ...واكتب في الاسم الرقم التعريفي بتاعك اللي هو كود الطالب اللي انت جايبة بالرقم القومي ..واكتب جنبه G7 علشان انت في اولي اعدادي

طالب: كده يا ميس 3798408G7

معلمة :بالظبط واعمل صيغه الحفظ pdf‍

طالب :وبعدين اوديه فين ‍

معلمة :احتفظ به لحد يوم ٩ مايو او ١٠ او ١١ او ١٢ او ١٣ او ١٤ او ١٥ او ١٦ في اي يوم من دول تتدخل لمنصة ادمودو

هتلاقي ايكونه جديدة ظهرت خاصة برفع البحث هترفعه فيها وتضغط تسليم نهائي ...بس كده ‍‍

طالب:ده سهل جدا اهو

معلمة:في سؤال تاني؟

طالب: معلش يا ميس آخر سؤال

معلمة:اتفضل

طالب:صاحبي هيسلمه ورقي يعمل ايه

معلمة :كتبه بخط ايده ولا طبعه؟

طالب:طبعه .🤭

معلمة :لا ما ينفعش لان لو طبعه الاولي انه يحفظه ويرفعه خليه يجيب ورق فاضي سواء قوالب الوزارة او حتي فلوسكاب ويكتب بخط ايده.

طالب:ويحط صور ازاي

معلمة:يقصها من الكتاب ويلزقها علي الورق

طالب :وبعدين

معلمة:يجيب ظرف ويحط جواه البحث ويقفله ويكتب عليه من بره الكود بتاعه اللي هو الرقم التعريفي وبرضو معاه الأيام من ٩ مايو ل١٦ مايو يسلم فيهم براحته

طالب :شكرا يا ميس

معلمة:العفو بالتوفيق

حاولت اجاوب عليكم في صورة حوار تخيلت الأسئلة بتاعته انتظروني في المسلسل القادم والحلقة الجاية انا هبهركم ...شيماء سعيد 🥰

حددت وزارة التربية التعليم أساليب تسليم المشروعات البحثية لطلاب صفوف النقل والشهادة الإعدادية التي تضم ١٥ مليون تلميذ و تلميذة، واوضحت خطوات تسليم المشروعات البحثية للطلاب إلكترونيا عبر منصة أدمودو Edmodo .

قال وزير التربية و التعليم الدكتور طارق شوقي ، أن خطوات تسليم المشروعات البحثية للطلاب إلكترونيا عبر منصة أدمودو Edmodo فتشمل ٩ خطوات بداية من القيام بحفظ ملف المشروع في صورة PDF ، ثم القيام بتسمية الملف الـ PDF عبر كتابة الرقم التعريفي للطالب يليه الصف الدراسي ، مثال (43434780G8) وبحالة وجود  أكثر من طالب مشارك في البحث، يتم تسمية الملف بالرقم التعريفي الخاص بالطالب المرسل فقط، والصف الدراسي.

خطوات تسليم المشروعات البحثية للطلاب إلكترونيا عبر منصة أدمودو Edmodo

أما الخطوة الثالثة فتتضمن دخول الطالب على حسابه بمنصة إدمودو، ليجد في أي من فصولك الدراسية أيقونة "المشروع البحثي لعام 2019-2020".

وبالخطوط الخامسة يقوم بالضغط على الأيقونة، لتظهر له  نافذة رفع المشروع ، بعد ذلك يقوم برفع ملف الPDF، بعد التأكد من تسميته التسمية الصحيحة، إذا كان هناك أكثر من طالب مشارك في البحث يجب كتابة الأكواد الخاصة بجميع الطلبة المشاركين في خانة (التفاصيل).

وأخيرا يقوم بالضغط على زر "التسليم النهائي".

مواعيد تسليم المشروعات البحثية عبر منصة ادمودو Edmodo

وبالنسبة لمواعيد التسليم فسوف تتاح منصة تسليم المشروعات على موقع إدمودو في الفترة من ٩ مايو إلى ١٦ مايو ٢٠٢٠.

جاء ذلك ضمن خطة وزارة التربية و التعليم لتسلم المشروعات البحثية للتلاميذ من الصف الثالث الابتدائي حتى الثالث الإعدادي.

التسليم الورقي للمشروعات البحثية

بالنسبة لتسليم الأسئلة ورقيا  ورقيًا في حال تعذر الإعداد الإلكتروني ، فيشمل  ٤ خطوات هي  تجهيز المشروع ورقيًا، ضعه في ظرف مغلق ، ثم القيام بكتابة الأرقام التعريفية والصف الدراسي للطلاب المشاركين في المشروع، على الظرف.

إذا كان الطالب ضمن الفئات الخاصة مثل طلاب المنازل، يتم توضيح هذا على الظرف.

وأخيرا القيام بتسليم الظرف إلى المدرسة بين الفترة من ٩ مايو إلى ١٦ مايو ٢٠٢٠.

يذكر أن وزارة التربية و التعليم استبدلت امتحانات نهاية العام الدراسي ٢٠١٩ / ٢٠٢٠ بتقديم مشروعات بحثية ورقيا أو إلكترونيا ، بسبب الإجراءات الاحترازية التي طبقتها الحكومة لحماية وسلامة الطلاب من مخاطر انتشار فيروس " الكورونا" المستجد.