مبادرة أولياء الأمور " اعمل بحثك بنفسك "

مبادرة أولياء الأمور " اعمل بحثك بنفسك "
بنتي في ثالثة ابتدائي بتتفرج على التلفزيون
سألتها انتي أخدتي حاجة في المدرسة عن الماء أو الكهرباء
قالتلي أيوه
طب هاتي الكتاب وريني الكلام ده
فتحت كتاب العربي وفيه درس عن الكهرباء ودرس تاني عن الماء
طيب حلو خلينا نعمل بحث عن واحد منهم تختاري إيه؟
هختار الماء
طيب ايه هي أهمية الماء بالنسبة لللإنسان والحيوان والنباتات
اكتبي يلا خمس جمل عن أهمية الماء...
1-
2-
3-
4-
5-
طيب ازاي نحافظ على الماء ونرشد استهلاكه
بدأت تقرأ الكلام من الكتاب وتقولي
اكتبي 3 جمل
1-
2-
3- ..
عايزين بقى نعمل مستطيل وليكن 5سم في 10 سم بالمسطرة
ونكتب فيه نصيحة عن ازاي الناس تحافظ على الماء من جملة واحدة
وقعدنا نختار جملة مناسبة
تعرفي تحسبي مساحة المستطيل ده؟
مش فاكرة .. طيب هاتي كتاب الحساب .. مسااحة المستطيل بيساوي حاصل ضرب الطول في العرض .. يعني 5سم في 10 سم = 50 سم
تعالي بقى نكتب مقدمة صغيرة عن الماء وليكن خمس جمل من الدرس اللي في الكتاب عن الماء.
ايه بقى اللي استفدناه من الكلام ده (النتائج)
- استفدت ازاي اكتب بحث
- استفدت إن الماء مهم في حياتنا
- استفدت إننا ممكن نحافظ على المياه عشان الناس التانية تستفيد منه
وفيه صورتين نصورهم بالموبايل عشان نحطهم في البحث.. صورة للحنفية وهيا بتنزل مياه وصورة تانية للترعة أو نهر النيل.
...
شكرا احنا كده عملنا البحث بتاعك
والكود بتاعك (الرقم التعريفي) لسة جايبه من المدرسة هنكتبه في أول صفحة ومكتوب عليها اسمك وعنوان البحث (الماء)
...
لو احنا وأولادنا متعلمناش في الأزمة دي ازاي نعمل بحث علمي بسيط هنتعلم امتى؟!
الكلام اللي فوق نموذج يمشي مع اي سنة دراسية او اي موضوع بحث تاني
والبحث ممكن يتكتب عالكمبيوتر عند أي حد من الجيران أو العائلة أو في مكتبة لو مش عندك كمبيوتر مع إنه مش شرط يعني كمبيوتر على كلام الوزير
أنا ضد أي حملة للتشجيع على عدم التعلم وعدم النهوض بالتعليم

التحميل من هنا