دكتور شوقى المعلم يقوم بدور عظيم يحتاج إلي مضاعفة راتبه 10 مرات

وأوضح وزير التربية والتعليم أن التكلفة الحقيقية للتعليم الجيد 10 أضعاف الميزانية الحالية، مضيفًا: “صعب نطلب الطلب ده”.

وتابع: “الدولة مهتمة إنها تزود ميزانية التعليم وزادت في السنتين اللي فاتت لكن مش بالقدر اللي تخليك تحل المشاكل زي كثافات الفصول والصيانة والإحلال والتجديد ورواتب المعلمين”.

وأشار شوقي إلى أن المعلمين يحتاجون أن “تضرب رواتبهم في 10” نتيجة للدور الذي يقوموا به، مشيرًا إلى أن الوزارة لديها 1.3 مليون معلم وأنها تحتاج لـ16 مليار جنيه عند زيادة رواتب المدرسين ألف جنيه في الشهر فقط، مضيفًا: “إحنا لو زادت الموازنة 2 مليار بنعمل حفلة مش 16 مليار”.

وتابع: “وإحنا بندور على الفلوس دي، أولياء الأمور وهما راضيين بيطلعوا من جيوبهم كتب للكتب الخارجية والدروس، 40 مليار جنية في السنة، وبيعدوش عليبنا خالص والدولة لو رفعت المصاريف من 80 لـ 85 جنيه تبقى حدوتة”.

وتابع: “الدستور فيه مكتوب فيه التعليم مجاني، هو مش مجاني في الواقع، والأب والأم بيتكبدوا مشقة كبيرة جدا، ممكن نخليهم تكبدوا مشقة أقل ومصاريف أقل ويبقى التعليم أحسن”.

وأكد شوقي أن الوزارة ستعمل على توحيد نظامي تعليمي للأطفال من مرحلة ما قبل المدرسة، مشيرًا إلى أن ما يحدث في المرحلة الثانوية هو إنقاذ ما يمكن إنقاذه من آفة الحفظ والغش إلى شيء أفضل.

وطمان شوقي أهالي طلاب الثانوية: “كلهم هيخشوا الجامعة والأول على الدفعة لو جايب 60% الطب هتاخد من 60% وإحنا بندور على هل الولاد طلعت من الدرجة دي أحسن مما دخلتها ولا لا”.