(جدول مذاكرة ومراجعة للصف الأول الثانوى 2019/2020 )

(جدول مذاكرة ومراجعة للصف الأول الثانوى 2019/2020 )
(فكرة لعمل جدول مذاكرة لأى مرحلة دراسية )
بسم الله الرحمن الرحيم
(الجزء الأول)
أولا:-فى البداية كدا أقول لزملائى فى الصف الأول الثانوى (لسه بدرى ماتخافش اطمن ) فاضل على الإمتحانات تلت شهور إلا 10 أيام يعنى تقدر إن شاء الله تذاكر وتراجع وكل حاجه حتى لو أنت مافتحتش أى كتاب من أول السنة...بس بردو طبعا لازم تجتهد فى الفترة دى على قد ما تقدر علشان تجيب إمتياز فى كل المواد وتقفل مش بس تنجح يعنى من الأخر إبدأ نظم وقت دروسك فى كراسة وايه إللى بيشغلك وكدا وظبط نظامك اليومى وشوف الوقت اللى تحب تذاكر فيه وبترتحله ونظف المكان اللى بتذاكر فيه يكون نظيف ميه ميه ورتب كتبك علشان نفسك تتفتح على المذاكرة
وبعدها قول لنفسك خلاص لازم ابدأ أذاكر وكفاية لعب وتضييع وقت وكل ده من وقتى وانا عمان أضيع فيه
وقرر إنك تذاكر الحاجات اللى إتراكمت عليك بس قبل ماتذاكر لازم تكون عامل ميزانية بسيطه علشان تعرف دروسك اليومية اللى مفروض تذاكرها علشان تقدر تخلص وتراجع قبل الإمتحانات واوعى تقصر فيها علشان لو إتراكمت عليك أكتر من كدا مش هتعرف تذاكرها بنفس الكيفية وهنا أبدا اقولك ايه هو الجدول اللى لو مشيت عليه تقدر تذاكر وتراجع المنهج قبل الإمتحانات .بص ياعم فكرة الجدول بسيطة جدا وهى انك تعد عدد الدروس اللى عليك فى المنهج وتقسمهم على عدد الأيام اللى عايز تخلص فيه المنهج. طيب يلا نعد كام درس علينا فى المنهج

(العربى)
نصوص وقراءة حرة مش هيجيب من المنهج حاجه منهم... وقصة مش هتيجى خالص زى ما الأساتذة بيقولوا... هيتفضل تلت حاجات وهما الأدب والبلاغة والنحو
الأدب 3 دروس ...و البلاغة 4 دروس فى *كتاب الإمتحان *والكناية والمجاز المرسل مش فيهم مكتوب الفصل الدراسى الثانى..وأستاذى قال*كتاب الأضواء* جايب الكناية والمجاز المرسل يعنى هنعتبر البلاغة كلها 6 دروس ...والنحو 5 دروس
(((((يبقى العربى كله 3+6+5=14درس)))))

(الرياضه)
(((((الرياضة كاملة جبر وحساب مثلثات وهندسة =22درس )))))

(الدراسات)
جغرافيا:- كلها 7دروس
تاريخ :- كله 9دروس
(((((تبقى الدراسات كلها 7+9=16درس)))))

(العلوم)
كيمياء:- كلها 14درس
فيزياء:- كلها 9دروس أحياء:-كلها 10دروس
((((يبقى العلوم كله 14+9+10=33درس))))

(الإنجليزى)
الإنجليزى كله 6 وحدات وقصة...*والقصة مش هتيجى فى الإمتحان زى ما الأساتذة قالوا* يبقى هيتفضل 6 وحدات ولكن علشان الوحدة فيها قواعد وكلمات وكبيرة شوية هعتبر الوحدة 4دروس
((((( يبقى الإنجليزى كله 6×4=24درس)))))
(بإعتبار الوحدة 4دروس)
(الفرنساوى)
الفرنساوى كله وحدتين..وكل وحدة 4 دروس يبقى الفرنساوى كله 4×2=8
(((((هنقول الفرنساوى تقريبا 10دروس )))))

(الجزء الثالث)
(الفلسفة)
الفلسفة كلها وحدة...والوحدة دى فيها 3موضوعات يعنى 3دروس ولكن علشان كل درس كبير شوية هنعتبر كل درس درسين
(((((تبقى الفلسفة كلها 3×2=6دروس))))) (بإعتبار كل درس فلسفة درسين)
يبقى كدا لو هنحسب كل الدروس اللى فاتت دى بتاعت المنهج كله هنلاقى {{المنهج كله =125درس }}

عربى إنجليزى دراسات علوم رياضه
فرنساوى فلسفة

الإمتحانات هتبقى فى ((10/1/2020))
والجدول هيبتدى من (20/10/2019) يعنى هيفضل 80 يوم على الإمتحانات بالظبط
50 يوم مذاكرة
30 يوم مراجعه
يبقى هنقسم 125درس بتوع المنهج كله على عدد الأيام اللى عايزين نخلص فيه وهو 50
هنلاقى 125÷50=2.5 درس
يبقى انت تذاكر كل يوم $درسين ونص$ وهتخلص المنهج فى 50 يوم وهيفضلك 30 يوم تراجع فيهم وتذاكر المواد اللى مش بتنضاف للمجموع
أحلى حاجه فى الجدول انه مش بيغصبك انت تذاكر درس ايه ودرس ايه كل يوم .لا دا هو سايب ليك الحرية فى إختيار الدروس اللى هتذاكرها ...مثلا:-
1-ممكن واحد يذاكر درس ونص عربى ودرس رياضه
2-واحد تانى ممكن يذاكر درسين فيزياء ونص درس عربى
3-واحد تالت ممكن يذاكر نص درس عربى ونص درس رياضه ونص درس فيزياء ونص درس كيمياء ونص درس فلسفة
المهم إنك تذاكر فى النهاية درسين ونص من أى مادة وبتقسيمتك أنت للمواد ....وهتخلص فى 50يوم وهتراجع 30 يوم ..الجدول دا هيبتدى يوم (20/10/2019) الموافق الأحد يوم 20 .شهر أكتوبر. سنة 2019 .بالتحديد

نصائح مهمة :-
1-لما تذاكر الدرسين ونص. ذاكر درس ونص من المواد الحفظ ودرس من المواد الفهم يعنى مش تذاكر الحفظ بس علشان مش هتقدر ..ذاكر حاجه بتحبها مع حاجه مش بتحبها علشان تعرف تتقنهم
2-كل ما هتتعب أكتر كل ماهتجيب درجة أكتر
3-ممكن مثلا واحد مش فاضى فى يوم معين مثلا عليه فرح بتاع قرايبهم او مشغول فى اليوم دا
ابقى ذاكر الدرسين ونص دول فى الأيام اللى بعديها يعنى اليوم اللى انت مش ذاكرت فيه ذاكره فى الأيام اللى بعديها بتقسيمتك انت يعنى مش تفوت يوم وتتحجج...اليوم اللى مش تذاكر فيه عوضه فى الأيام اللى بعديه ..ومش تقول كدا خلاص الجدول باظ وتعيط لا لا طبعا عوضه بس فى يوم تانى

(الجزء الخامس)
4-ممكن واحد يكون عايز ياخد راحة يوم.. عادى ذاكر قبلها الدرسين ونص بتوع اليوم اللى عايز ترتاح فيه ومش تذاكر فى اليوم دا عادى مادام انت معوضه قبليها
5-من الأخر كل يوم تذاكر درسين ونص ..ومش تضيع يوم بأنك ماتذاكرش فيه... علشان مش يتراكم عليك ومش هتعرف تلمه.. حاااااول على قد ماتقدر

6-مادام هتذاكر يبقى تذاكر بجد لو جاى تذاكر بصه عالسريع كدا وتقول إنك ميه ميه يبقى مش تذاكر أحسن .لازم لما تحفظ مثلا درس تحفظه حفظ جامد جدا علشان مش تنساه بسهولة كل ماتحفظ بجد كل ما هتثبت المعلومات ومش هتنساها بسهولة ..اما دروس اللى محتاجه فهم فركز فيها وشغل مخك حلو

7-هأكد تانى  لو مادة حفظ احفظ كويس جدا جدا.. ولو مادة فهم ركز كويس جدا جدا
8-ياصاحبى الموضوع مش صعب ولا سهل يعنى امسك العصاية من النص ولازم لازم تتعب علشان تقفل يسطااا
بص هما 50 يوم لو طلع عينك فيهم هترتاح فى المراجعه ولو ماطلعش عينك فيهم يبقى هتتعب جامد جدا فى المراجعه قبل الإمتحانات

إبدأ نظم مكانك فى اليومين قبل مايبدأ الجدول ..النظام اللى حكيت عليه فى الأول خالص.. وأبدا رحلة الكفاح 50يوم

علشان فى الإمتحانات تقفل وتفرح انت و أبوك وامك وتبقى حاجه حلوه بالنسبة ليهم  وليك

طبعا ممكن حد يكون شاف الجدول دا وعجبه وعايز يعمل جدول زى كدا للمواد بتاعته بس هو أصغر منى أو أكبر سهلة
ثانيا:- (فكرة لعمل جدول مذاكرة لأى مرحلة دراسية )
الفكرة سهلة جدا جدا وهى إنك تعد عدد الدروس اللى عليك فى المنهج وتقسمهم على عدد الأيام اللى عايز تخلص فيهم وشوف هيطلعلك كام درس تذاكرهم فى اليوم
مثالنفترض إن كل دروس المنهج اللى فى كل المواد اللى عليك 80درس.. وانت مثلا فاضل ليك على الإمتحان 40 يوم ..وطبعا عايز تذاكرهم قبل الإمتحانات.. تقسم عدد دروس المنهج وهما 80 درس على عدد الأيام اللى عايز تخلص فيهم المنهج وهما 40 هنلاقى 80÷40=2
((((هى الفكرة بتعرفك واجباتك اليومية اللى مفروض تذاكرها من غير ما هتغصب عليك تذاكر درس ايه ودرس ايه كل يوم .. وبالطريقة دى انت كدا منظم ومرتب نفسك وعارف انت هتعمل ايه وماشى ازاى ))))
أخر حاجه أحب أقولها (((ذاكر بجد كمل 50يوم على خير بنفس المذاكرة$هتلاقى نفسك بعد 50يوم ارتحت.. وابدا راجع وشوف ايه اللى مكنتش ذاكرته وذاكره وامتحن وهتقفل ان شاء الله مادام إجتهدت..أهم حاجه هما 50يوم إجتهد على الأخر فيهم أوى جدا جدا علشان دول نمبر وان 1

أخر حاجه أحب أقولها هى يارب يكون حد إستفاد حاجه من الكلام دا ويطبق لو عجبته الفكره وياريت لو حد هيمشى على الجدول معايا ياريت يقول فى التعليقات ..ومعلش لو حد فى حته مش فاهمها إبقى اقرا الحته دى تانى يمكن تكون مهمة
واى إستفسار فى التعليقات وإن شاء الله هرد عليه حتى لو إتاخرت فى الرد أصل انا مش بفتح الفيس كتير فى الأيام دى
ياريت لو عجبتك الفكرة تنشرها لناس غيرك يمكن يستفادوا وقلها لصحابك...ولو مش عجبتك ياريت تنشرها بردو يمكن حد يستفاد منها
دعوة حلوة بقى إن ربنا ينجحنا