التعليم - إتاحة الفرص للطلاب لأداء امتحان الصف الأول الثانوى الألكترونى من البيت أو المدرسة خلال 10 ساعات من اليوم المحدد

نقول تاني للناس اللي لسة بيسألوا عن نظام امتحانات اولى ثانوي الالكترونية :
-------------------------------------------------------

الطالب هياخد الكود من الاخصائي في المدرسة ... ثم يبتدي الامتحان في المدرسة او البيت براحته ( الامتحان هايكون متاح له الدخول عليه لمدة 12 ساعة من 9 صباحاً الى 9 مساءا)

بمعنى ان ممكن الطالب يدخل على الامتحان المرفوع على الشبكة الساعة 9 او 10 او 11 او اي وقت .. بس بمجرد ما هيدخل الكود بتاع الامتحان خلاص هايبدأ الزمن المحدد للامتحان

طيب ليه اتاحوا للطالب المرة دي امكانية تأدية الامتحان من اي مكان (لان ده مش امتحان ده الهدف منه تدريب الطالب على شكل الاسئلة وشكل الامتحان

** يوم الاحد الجاي هايكون يوم دراسي عادي جدا ، و يتخلله اللي نقدر نقول عليه تدريب وليس امتحان

الهدف من امتحان مارس ده ايه ؟؟ ... الهدف هو تدريب الطلاب وقياس أداء المنظومة والمكونات الخاصة بالشبكات وأجهزة التابلت ، لكن امتحان مارس مافيهوش نجاح و رسوب

وهيظهر لجميع الطلاب رسالتين تحذيريتين اثناء اداء الامتحان ، الاولى قبل انتهاء الامتحان بـ 10 دقائق ، والثانية قبل انتهاء الامتحان بدقيقتين، وبمجرد انتهاء الزمن المحدد للامتحان ، الامتحان هايتقفل تلقائيًا من النظام.

طيب اسئلة الامتحان الالكتروني ده هاتكون شكلها عامل ازاي؟؟

الطلاب هايلاقوا في الامتحان 3 انواع من الاسئلة : اسئلة الاختيار من متعدد ، واسئلة تحتاج للوحة المفاتيح لكتابة الاجابة ، واسئلة تحتاج لاستخدام القلم الالكتروني ليتمكن الطلاب من رسم الاشكال اللازمة في اجاباتهم .

على فكرة ... هيظهر للطالب شريط ادوات بجوار قائمة الاسئلة ، وهيظهر توقيت الامتحان على الشاشة لمعرفة كم الوقت المتبقي لانهاء الامتحان

وهيكون متاح للطالب انه الامتحان في شاشة كاملة ، وهايقدر يراجع الاسئلة ، ويغير في تنسيق الخط والشاشة ، ويقدر كمان يحدد اسئلة معينة بعلامة العلم للرجوع إليها مرة تانية ، وكل الاختيارات دي هتظهر من ايقونة القائمة .

بالتوفيق للجميع ....