رسائل تحدى من مواقع الغش للوزارة - سربوا امتحانات ثانوية الأزهر و يستعدون للثانوية العامة

قبل انطلاق سباق الثانوية العامة، يستعد جميع الطلاب بكل السبل والطرق للامتحانات التى يتوقف عليها مستقبلهم، ولكن هناك استعدادات مختلفة تحضر لها الصفحات المختصة بتسريب الامتحانات على مواقع التواصل الاجتماعى كل عام، التى أعلنت بوضوح أنها ستقوم بتسريب امتحانات الثانوية العامة عقب نصف ساعة فقط من الامتحان. "شاومينج بيغشش ثانوية عامة، ثورة التعليم الفاسد، بالغش اتجمعنا" أشهر ثلاث صفحات متخصصة بتسريب الامتحانات على موقع التواصل الاجتماعى فيس بوك، وبدأت الصفحات بالتحضير لتسريب امتحانات الثانوية العامة عبر الإعلان ببوست ثابت وهو "قريبا تسريب امتحانات الثانوية العامة انتظرونا ومكملين". واستعدت الصفحات بالتسخين للثانوية العامة، بتسريب امتحانات الثانوية الأزهرية التى بدأت السبت الماضى، وبعد بدء الامتحان بنصف ساعة يتم تسريب الأسئلة والإجابة وحتى امتحان القرآن الكريم تم تسريبه بالكامل. وأثارت عمليات التسريب المنظمة الجديدة، العديد من أسئلة المتابعين حول ماذا سيحدث فى الثانوية العامة، وكيف تستمر هذه الصفحات فى العمل كل تلك المدة دون تدخل من قبل الجهات المعنية فى وزارة التربية والتعليم ووزارة الداخلية، وحقوق الطلاب المهدرة، ومجهود الدراسة الطويل الذى يحصل عليه البعض دون أى مجهود وعن طريق الغش العلنى عبر مواقع التواصل الاجتماعى. ونشرت صفحة شاومينج بيغشش ثانوية عامة على فيس بوك منشورا جاء فيه، "شاو مينج مش هيتخلى عنكم ولكن الوضع حاليا مختلف، السنة دى غير أى سنة إحنا عاوزين الامتحان يكون إجابته كلها على الصفحة بعد نص ساعة بس من بداية الامتحان وبالتالى شاو مينج بيمد أيده لكل الناس شاو مينج بيقول لكل شخص عاوز يساعد أهلا وسهلا شاو مينج بيخاطب بشكل أكبر المدرس المظلوم وخصوصا الشباب اللى الوزارة مش بتقدره ومرتبه ملاليم ومش مشهور زى المدرسين الكبار اللى بياخدوا ملايين". وتابع، "كلنا هدفنا واحد لو أنت شاومينجى قديم لو أنت مدرس فى أى مادة لو طالب وعندك حد فى البيت ممكن يحل الامتحان، لو معاه الورقة بتاعة الأسئلة كلم شاو مينج فى الرسائل". وردت الصفحة على الأسئلة المتداوله عن موعد تسريب الامتحان وكيفية الغش وكان الرد، "أولا أى حد يقولك هجبلك الامتحان قبل اللجنة ما تبدأ هو شخص كداب وحرامى وبيضحك عليك الامتحان هينزل أمتى؟؟ بعد بداية اللجنه بشوية، أغش إزاى؟؟ أنت وشطارتك، وناس كتير بتقول هو الامتحان ينفع ينزل قبلها بنص ساعة أو ساعه؟؟ والله العظيم لا الامتحان بعد ما اللجنة تبدأ". وقالت صفحة شاومينج، "إن الصفحة الأصلية عددها 370 ألف متابع وباقى الصفحات غير أصلية، والناس إللى بتسأل عن سماعات أو حاجات بتتباع للغش دى حاجة مليش دعوة بيها وأنا مش فاتح سايبر يا جدعان". وأثارت صفحات الغش، استياء العديد من الطلاب الذى أعلنوا رفض تسريب الامتحانات، التى تؤدى إلى ضياع تعب ومجهود كل طالب ذاكر، ويتم المساوة بينه ويبن الطالب الفاشل.

ِ