غدا.. طلاب تجارة القاهرة ينظمون حملة للتبرع بالدم لمستشفى 57357

غدا.. طلاب تجارة القاهرة ينظمون حملة للتبرع بالدم لمستشفى 57357
الثلاثاء، 1 أبريل 2014 - 11:06
[ندعوك للتسجيل في المنتدى أو التعريف بنفسك لمعاينة هذه الصورة]
مستشفى 57357 - أرشيفية
كتبت رحمة ضياء


ينظم مجموعة من طلاب كلية تجارة جامعة القاهرة حملة للتبرع بالدم لمستشفى سرطان الأطفال بالسيدة زينب، فى الساعة الواحدة ظهر غد الأربعاء، نهلة ماهر إحدى طالبات الجامعة أعلنت عن الحملة عبر موقع التواصل الاجتماعى "الفيس بوك" لحشد أكبر عدد من المتطوعين ليشاركوا فى الحملة.

وتقول "نهلة": "إحنا شباب وبنات جادين ومختلفين فى آخر سنة بكلية تجارة جامعة القاهرة، قررنا نعمل نشاط تنموى وتطوعى مختلف من غير أى مقر أو راعى لنا، هنطور من نفسنا ونفيد غيرنا ونسيب بصمة فى كليتنا غير أى دفعة سبقتنا".

فيما يخص حملة التبرع بالدم قالت نهلة: "قبل ما نبدأ نشاطنا ده قررنا نعمل حملة تبرع بالدم لصالح مستشفى 57357 بنية توفيق ربنا لنا فى الطريق اللى ناوين نسلكه، والتبرع ده مش لطلبة تجارة فقط، بالعكس التبرع مفتوح للجميع، والناس اللى مش هتقدر تتبرع بالدم لظروف صحية فممكن تشير الفكرة بس والدال على الخير كفاعله".