الغش فى الثانوى بطريقة "عبيلوا وأديلو" من تويتر وبلاك بيرى

الغش فى الثانوى بطريقة "عبيلوا وأديلو" من تويتر وبلاك بيرى


الأربعاء، 13 يونيو 2012 - 17:56






لجنة امتحان

كتبت فاطمة خليل







"عبيلو وأديلو".. هذه هى كلمة السر الجديدة للغش فى الثانوية
العامة، والتى كتبها الطلبة "هاش تاج" على موقع التواصل الاجتماعى "تويتر"،
ومن خلاله تلقوا وكتبوا إجابات الامتحانات على هذا الهاش تاج، فى ظل عدم
قدرة وزارة التربية والتعليم على مواجهة الظاهرة الجديدة للغش.
وجاءت تعليقات مستخدمى "تويتر" من طلبة الثانوية العامة مثيرة للسخرية،
بعد أن أصبحت الإجابات متاحة للجميع، وسخروا من عدم إمكانية وزارة التربية
والتعليم التعامل مع قضية الغش الجماعى بالوسائل التكنولوجية.
وعلق المدون وائل عباس على الغش بالبلاك بيرى قائلاً :"هاهاها العيال بتوع
ثانوية عامة عاملين هاشتاج للغش على تويتر اسمه : عبيلو واديلو- لووووول
هاموت من الضحك - ده بجد على فكرة والله".

وكتب الناشط "جيمى هود"، مؤلف كتاب "الألتراس"، أيضاً تعليقاً على ظاهرة
الغش الجماعى بالثانوية العامة " ربنا معاكوا وتطلعوا من التعليم الفاشل..
فكك من الإخوان دلوقت عندنا امتحان دعواتك بقى".

وانتقد النشطاء غياب وزارة التربية والتعليم وعدم اتخاذها لأى إجراءات تمنع
الغش بهذه الطريقة، حيث قال أحدهم: "عبيلو واديلو‬‏ هاش تاج للغش الجماعى
لطلبة الثانوية هو ده الجيل إللى هيقود المرحلة القادمة.. فين وزارة
التربية والتعليم من المهزلة دى"، ومن بين التعليقات التى كتبها النشطاء
على هاش تاج "عبيلو واديلو":
- الوزارة: استحالة التشويش على «بلاك بيرى» داخل لجان الامتحانات.
- "أنا مستنى أعرف خطة الوزارة لمواجهة طريقة الغش الإلكترونى الجديدة.. أكيد هيفصلوا النت عن مصر".
- "يا نمنع غشهم يا نغش زيهم وبكده نحقق مبدأ تكافؤ الفرص".
- "اتقوا الله يا شباب عمل ثورة كرامة مش ثورة لا أخلاق."
- "نصيحتى لإخوتى فى الثانوية العامة استعن بالله واشترى بلاك بيرى".
- "قف للبلاك برى وفه التبجيلا، كاد البلاك بيرى أن يكون رسولا".
- "خليك ناصح غش وامسح تتويتاتك بعد اللجنة".
- "متعملش كوبى باست على الورقة عشان ميعرفش أننا ناقلين من نفس البرودكاست ".
- "تويتر مكانش عايز يفتح معايا إمبارح كله من بتوع ‎‫الثانوية العامة‬‏ خربتوا البلد".
- "منك لله إنت وهوه بسببك هيقفلوا تويتر يادى النيلة هنفضفض فين أنا بأه هنرجع الفيس تانى ولا جوجو بلس".
- "يعنى مش كفاية عليكم امتحان التفاضل السهل ده..حد يقول للى بيحطوا الامتحانات يشدوا حيلهم شويه خلى التنسيق يعلى".‬‏
- "يا جدعان هلاقى إجابات يوم امتحان الفيزياء بالإنجليزى".
- "بعد كل ده عايزين يبقا عندنا علماء ونبقا شعب متحضر بلا وكسة ‎".
- "أنتوا بتبذلوا مجهود جبار فى الغش.. ربنا يديكوا على قد تعبكوا".
- "الوزير زمانه دلوقتى فاتح تويتر وبيتفرج على المهزلة دى".
- "خبر عاجل من وزارة التعليم: باقى الامتحانات على تويتر‏ عشان نبقى شعب متقدم هذا والله الموفق".
- "الامتحان فى مستوى الطالب إللى معاه سمارت فون".
- "معاك بلا كبيرى يا حيلتها وأبوك هيدخلك جامعة خاصة يبقى ليه تضيع فرصة
الجامعة الحكومية على طالب أبوه معهوش يشتريله حتى موبايل صين".
- "النهاردة موزعوش الورق غير لما اتاكدوا أن بطاريات الموبايل متخلعة وعالديسك، والمراقب قعد نام جمبى".
- "ذاكر تنجح تشترى بلاك بيرى تجيب مجموع".
- الفاشل: أعلن أنا كطالب ثانوية عامة‬‏ حملة "نعم لتأجيل امتحانات الثانوية عشان نتفرج على اليورو بمزاج".
- "آلاف الطلاب يخرجون مبكرا من اللجان بعد أن أبطلوا إجاباتهم وكتبوا على ورقة الإجابة: لا امتحانات تحت حكم العسكر".
وكانت امتحانات الثانوية العامة قد تسربت على موقعى التويتر والفيس بوك،
بعد أن استطاع الطلبة معرفة الإجابات وتبادلوها داخل اللجان بالبلاك بيرى.