رسميا.. تفاصيل نظام الثانوية العامة القديم والجديد:

رسميا.. تفاصيل نظام الثانوية العامة القديم والجديد

:

= الطالب الوحيد اللي من نظام الثانوية العامة القديم اللي له الحق في دخول الامتحانات على النظام الجديد (بتاع السنادي يعني) هو الطالب اللي لا سجل استمارة امتحانات قبل كدة ولا كان له رقم جلوس قبل كدة.

= أي طالب رسب وبيعيد من السنة اللي فاتت في مادة أو بعض أو كل المواد.. هيمتحن على النظام القديم.

= أي طالب سجل استمارة ثانوية عامة وكان له رقم جلوس ومدخلش أي امتحان في أي مادة.. نظام قديم.

= أي طالب كان في ٣ ثانوي السنة اللي فاتت أو السنة اللي قبلها وسجل استمارة ومدخلش امتحانات خالص.. برضو نظام قديم.

= الطالب الوحيد من النظام القديم اللي هيطبق عليه النظام الجديد هو الطالب اللي لا سجل استمارة ولا كان له رقم جلوس قبل كدة.

= اللي بيعيد في مادة أو بعض المواد أو كل المواد - طالما بيدرس نظام قديم- هيطبق عليه كل حاجة تخص النظام القديم.. نفس مواد السنة اللي فاتت ونفس مناهج السنة اللي فاتت لا تخفيف ولا تغيير ولا دمج ولا إلغاء.. وأي حاجة مطبقة على النظام الجديد ملوش دعوة بيها.

= طالب النظام القديم مجموعه ٤١٠ والجديد مجموعه ٣٢٠.. كل واحد فيهم له امتحان في نفس المادة.. وكل واحد له تنسيق منفصل لوحده.

= الكلام ده شرحته بالتفاصيل في فيديو  على صفحتي قبل كدة والنهاردة الوزارة أرسلته بشكل رسمي للمديريات التعليمية ووصل المدارس الثانوية.

= وده ملخص النظام القديم والجديد في الثانوية العامة

الصحفى احمد حافظ