منذ نشأة وزارة المعارف والسادة الوزراء يهتمون بالطلاب فقط والمعلم مجهول

منذ زمن بعيد بل منذ نشأة وزارة المعارف والسادة الوزراء يهتمون بالطلاب فقط والمعلم مجهول وفى غياهب الجب
يأتى الزائر والموجه ومدير الادارة والوزير ...الخ الخ
يأتون لزيارة اى مدرسة ويبحثون عن افتعال المشاكل بالعافية أو بالقانون الجائر
* تحويل المدرس فلان الى عمل ادارى
* نقل المدرس فلانى من الوجه البحرى الى الصعيد والعكس
* خصم شهر للمدرس فلان علشان خض طالب وعلا صوته على سيادة الطالب بالمدرسة
* الحرمان لمدة 5 سنوات للمعلم س علشان ضرب البية الطالب على قفاة اثناء
الامتحان مع ان البيه الطالب كان بيغش وبيتراخم على الملاحظين
* مفيش عمال بالمدارس والفصل اذا كان شكله مش عاجب البيه الزائر الويل للمدرس
* المدرس المشرف عليه حماية الطلبة فى جميع اركان المدرسة حتى فى الحمامات
*كشكول التحضير ورقه مش عاجب البيه الزائر قطع ارمى وهات ياردح
*قدراّ وبدون تعمد اذا تغيب عدد معين من الموظفين والمدرسين يكون يوم اسود
ومنيل والشئون القانونية تكون عندك فى اليوم التالى قال ايه (غياب جماعى
) شوفوا التخلف
* وحاجات كتير وكتير وكتير
وفى النهاية الطالب فوق رأس المدرس ولو ضر به مفيش مشكله
وممنوع اللمس والاقتراب من التلاميذ ومعاملة الجمهور احسن معاملة
وضاعت هيبة المدرس عندما يتطاول عليه المدير او الزائر امام مرأى ومسمع التلاميذ
وضاعت هيبة المدرس عندما تكون حاجاته فى الحياة غير كافية من ملبس وماكل ومأوى
وضاعت
حقوق الموظف بشكل عام فى الوزارة وهو يؤدى رسالته بنجاح ومع ذلك راتبه
متدنى ودائماً ( محتاج ) ومحروم وآسف على هذين اللفظين لكنها الحقيقه
المؤلمة
وضاعت حقوق الموظف الكادح مع اجيال لايعلمها الا الله وحده
بلطجة بعض التلاميذ فى الحياة وفى المدرسة لمواخذة تحتاج لبطجى زيهم
ومع
ذلك ممنوع الضرب والويل كل الويل لمن تسول له نفسة ان يمد يده على تلميذ
غير مهذب ومش طبيعى ( وساعتها قابل المساكل وكفايه عليك التليفزيون )
هذا قليل من كثير واحترم رأى الاخت سلوى محمود وتعليقها البسيط والكبير فى مخزاه ومعناه
السادة القا ئمين على تعليم مصر راعوا حالة المدرس والموظف لديكم
وعيب جداً ان يصبح راتب موظف مبتدأ وصغير السن راتبة فى وزارات اخرى ضعف مدرس أوادارى تخطى 20 سنه خدمه
نسمع ونقرأ ان الوزير فلانى أمر بشهرين مكافأة لجميع العاملين بالوزارة
عدا وزارتنا الموقرة ممكن تاخد من الموظف وتصرف على الخدمات الغير هامة
فواتير التليفونات بالمدارس يتحملها الموظفين ومش شرط يستخدموا التليفون
ورق تصوير متعدد الاغراض ( هات يالم وخد صور ياعم )
الحال لايرضى غالبية العامة من الشعب
راعونا يرعاكم الله
وبعدين
حوالى 2.5 مليون موظف بالوزارة وربما يزيد ومفيش وزير خاص بهم يحل مشاكلهم
المادية والمعنوية ويبحث عن حلول ايجابية لصالح الطالب أولاً ومن ثم
الموظف
وبعدين فين الدرجات ياريس