لطلاب الثانوية العامة.. أهم مجالات علمي رياضيات لأنه معظم الطلبه متعرفش غير هندسة

لطلاب الثانوية العامة..
أهم مجالات علمي رياضيات لأنه معظم الطلبه متعرفش غير هندسة

لطلاب الثانوية العامة..
أهم مجالات علمي رياضيات لأنه معظم الطلبه متعرفش غير هندسة
دا اكيد ممكن يفيدكم
1:هندسه بترول ودي غنيه عن التعريف

2 : فنيه عسكريه ودي بتبقي مهندس في الجيش وبتاخد من 92% أو اما تكون جايب من فوق 96% وهما اللي بيبعتولك وليها اختبارات زي كليه الشرطه وطبعا اي حاجه ليها علاقه بالجيش ف اكيد مستقبلها كويس جداا

3: هندسه وتقدر تدخلها وتاخد كارنيه النقابه من 80% ومااكتر المهندسين دلوقتي وكميه المشاكل اللي بتحصل بسبب زياده المندسين ع الساحه حاليا

4: كليه الذكاء الاصطناعي ودي اول كليه في مجال الذكاء الاصطناعي في الشرق الأوسط ودي موجوده في جامعه كفرالشيخ ودى تانى سنه ليها وقبلت من 92.5

5: كلية علوم الملاحة وتكنولوجيا الفضاء ودي في جامعه بني سويف ودي معرفش عنها معلومات كتير الصراحه بس تقدر تبحث عنها وعن مجال عملها ومستقبلها بعد التخرج ودي واخده من 377.5

6: كليه فنون عماره وفنون تطبيقيه ودي تيم كورس بازل مجهود كبير في توفير كل المعلومات عنها وموجود في الجروب هنا

7: الكليه المصريه الصينيه للتكنولوجيا التطبيقية ودي فيها تلات أقسام اولا : قسم تكنولوجيا الاتصالات ثانيا : تكنولوجيا الإلكترونيات ثالثا:تكنولوجيا الميكاترونيك ودي موجوده ف جامعه قناة السويس ودي واخده من 370

8: كليه علوم الأرض ودي موجوده ف جامعه بني سويف وواحد من 388 وتقدر تبحث عنها وتعرف معلومات عنها ومجال عملها ومستقبلها

9: كليه حاسبات ومعلومات واهم أقسامها حاليا مجال it وقد ايه المجال ده مطلوب حاليا ومطلوب بكميه كبيره جدا ف ألمانيا بالأخص وتقدر تسافر ألمانيا بسهوله جدا من خلال مجال it من غير مايكون مطلوب منك توصل لمستوي معين ف اللغه وانا حاليا في هندسه بعد مارسبت في قدرات فنون عماره وناس قرايبي نصحوني ادخل مجال it وقد ايه مطلوب هناك

10: كليه علوم ودي فيها أقسام كتير جداا سؤاء كميا أو فزيا.. الخ ومستقبلها حلو اوي وان معظم المعيدين حاليا في هندسه بيبقي خريج كليه علوم وبتاخد من علمي رياضه من حاجه وتمانين بس معرفش كام بالظبط

11: كليه السن ومبدأيا اي كليه لغه اعرف ان مستقبلها حلو ودي هتفتحلك مجالات كتير انك تسافر برا
وفيه كليات تانيه سواء تجاره أو تربيه أو آداب... الخ
واخيرا انت اللي تقدر تحدد انت عاوز ايه و قادر تكون كويس في ايه وايه اللي انت حابه وقادر تبدع فيه