نصائج من طلاب متفوقين لطلاب أولى جامعة الجدد

نصائج من طلاب متفوقين لطلاب أولى جامعة الجدد

1- حضور المحاضرات كاملة بلا استثناء

2- اكتب ورا الدكتور في المحاضرة

3- المذاكرة من كتب الكلية مش المذكرات

4- متراكمش مذاكرة متراكمش مذاكرة  متراكمش مذاكرة

5- الجلوس في مقدمة المحاضرة هيفرق كتير

6- الصحبة الصالحة

7- عدم التركيز مع مشتتات ومغريات الكلية  

8-متراكمش مذاكرة

9- ابعد كل البعد عن المحبطين

10- الي يقولك مش مهم نحضر ،متصاحبهوش

11- متراكمش مذاكرة

12- لو بنت ابعدي عن الولاد ولو ولد ابعد عن البنات واللهم قد بلغت

13- متراكمش مذاكرة

14- تنظيم الوقت والاهتمامات

15- حاول تفهم دماغ الدكتور

بالنسبة للمحاضرات، فأي حد يقولك المحاضرات مش مهمة او مش هتفهم منها حاجة ، فهو اكيد بيتكلم عن نفسة مش اكتر ، لانك ببساطة كدا مينفعش تفوت محاضرة واحدة ، لان القانون في بدايتة يمكن يكون معقد بالنسبالك ومتفهمش منه حاجة لو جربت تذاكر مع نفسك ،، المحاضرات بتوصلك المعلومة بالطريقة الي المفروض تدخل بيها دماغك عشان تفهمها، ولما هتذاكر بعد المحاضرة هتلاقي الموضوع معاك سهل جدا ، اينعم الموضوع هيكون صعب في الاول وممكن متفهمش حاجة ،بس كلة مع الوقت والتكرار هيجي وهتحب الموضوع جدا ،، وحاول تركز في كل كلمة يقولها الدكتور ومتسرحش لحظة وخليك منتبه دايما ، ولو فاتتك محاضرة لظروف قهرية لازم تجيبها من اي حد مسجلها واسمعها، والهدف من حضور المحاضرات هو انك تفهم قبل ما تذاكر عشان تسهل المذاكرة وتقلل وقتها ومتحسش بكلاكيع ، ولان معظم الدكاترة بتشرح في الكتاب من غير الامثلة الي توضحلك الرؤية ،لكن الامثلة دي بتكون كتير جدا في المحاضرة لحد ما تفهم ، ولان كمان الدكاترة بتقول في المحاضرة حاجات مش موجودة في الكتاب وبتجيبها في الامتحان عشان تميز الطالب الي بيحضر ، فلو عايز تتفوق لازم متفوتش محاضرة ومتسرحش فيها لحظة واللهم قد بلغت

اما بالنسبة للكتابة ورا الدكتور فحاول تكتب الحاجات المهمة الي بيقولها عشان تراجع منها مراجعة سريعة قبل ما تدخل المحاضرة الي بعدها ،ومن الكتابة دي هتفهم دماغ الدكتور وهتعرف الحاجات الي بيأكد عليها ، وفي حاجات هو الي بيديك فرصة تكتبها ، دي اكيد مهمة جدا ، حاول تكتب الحاجات الزيادة الي قالها ومش موجودة في الكتاب حتي لو مش عليك ، لان دي هتنفعك وهتميزك جدا وهتقرب دماغك من تفكير الدكتور ، وحاول متشتتش نفسك عن المحاضرة بالكتابة ، يعني افهم الاول وبعدين حاول تكتب ، وهات اسكتش كبير لكل المحاضرات واختار شكلة حلو كدا عشان هيكون كل حياتك ، ومفيش وقت للتلوين في المحاضرة ، عايز تلون او عايزة تلوني اعملي اسكتش تاني في البيت تبيضي فيه وتلوني براحتك .

#اطمئن. 🧡

سهرك، وتعبك، عزلتك، إرهاق جسدك، وكثرة تفكيرك، جدك واجتهادك، كل هذا لن يذهب سدا، سترى ثمره أفعالك أمامك قريبااا