طالب ثانوية عامة " حصل على صفر" يشكر الوزير لتعاونه معه و حله للمشكلة

وقال يوسف في رسالته: «حقي رجعلي بعد شهاده الملاحظين وشهاده اثنين من أصدقائي فى اللجنة وهما (يوسف محمد جوده /يوسف ياسر ".

وأضاف أن زملائه الذين شهدوا معه لم يكن لع علاقة مسبقة بهم ولكنهو شعروا بالظلم الذي وقع على ولم يتأخروا لحظة في الإدلاء بشهادتهم وبما شاهدوه.

وأكمل طالب الثانوية العامة:«شكر خاص للدكتور طارق شوقي وزير التربيه والتعليم لسرعة استجابته واهتمامه بالموضوع شخصيًا لإظهار الحق " ووصف الوزير بالمتعاون الذي قدم التسهيلات للحصول على حقه قانونيًا دون أي مجاملات.

وقال الطالب يوسف محسن في تصريحات له أن الوزارة وعدته بحساب مادة اللغة العربية من متوسط درجاته، وتم طمأنته فى هذا الشأن، لافتا إلي أن وزارة التربية والتعليم عرضت عليه أن يدخل الدور الثاني بالدرجة كاملة ولكنه لا ينتظر حتى دخول الدور الثاني.

وكان وزير التربية والتعليم الدكتور طارق شوقي أعلن عن التحقيق فى واقعة طالب صفر اللغة العربية بعد إستغاثته التى نشرها على الفيس بوك

جاء ذلك بعد أن وجه الطالب يوسف محسن طالب في الصف الثالث الثانوي بعد ظهور نتيجة الثانوية العامة مباشرة ، استغاثة عبر صفحته على موقع التواصل الاجتماعي فيس بوك للدكتور طارق شوقي وزير التربية والتعليم والتعليم الفني، لحصوله على صفر في اللغة العربية بامتحانات الثانوية رغم حصوله على مجموع جيد في باقي المواد.

وجاء نص الإستغاثة كالتالي:

: "أنا اسمي يوسف محسن من مدرسة جمال عبدالناصر غرب الفيوم جبت 64% وجبت في العربي صفر وحصل معايا أن كنت مسلم ورقتين للبابل شيت وعامل محضر بده زي ما المدرس قالي أنا قولت للمراقبة أنا غلطت في سؤال أعمل ايه ادتني بابل شيت قالتلي حل فيه السؤال ده بس وهندبسه الاتنين في بعض ومعاهم المحضر".

وأضاف: "المحضر مكنش بتبديل بابل شيت لا أنا كنت كاتب إن عندي سؤالين غلط وتم نقلهم في بابل شيت آخر على حسب تعليمات المدرس بالكلام اللي هكتبه أنا معرفش إزاي أكتب محضر أنا كتبت اللي قاله.. ولما سألت دلوقتي كذا مدرس قالوا بيروح ورقة واحدة والتانية بتتبعت كتالف ومدرسين قالوا بتتقطع بس وده مش اللي مضيت عليه ولا كتبته في المحضر، والمحضر اتعمل ومضيت على أساس اللي المستر بتاع اللجنة قالي عليه واللي أنا كاتبه بايدي في المحضر".

وأضاف الطالب: "وكتبت المحضر إني نقلت إجابه السؤال ده ف بابل شيت تاني ومضيت عليه والمراقب كنت قولتله طيب ينفع يبقي ليا اتنين قالي طالما معمول محضر إثبات حاله خلاص وكان في آخر الوقت وقالي يلا عشان الوقت خلص وأنا كنت أول مرة في حياتي امتحن بابل شيت ولسه معرفش أي حاجه ف مشيت ورا كلام المدرس اللي هو أكيد فاهم أكتر مني ودلوقتي لقيت إني جايب صفر فمعنى كده إن الورقة اللي هي فيها سؤال واحد اللي راحت واتصححت ومع العلم المدرس قالي هيروح الاتنين طالما عملت محضر".

واختتم الطالب: "هل ذنبي إني مشيت ورا كلام المراقب اللي أصلا مخلانيش أنقل غير سؤالين بس ولو سابني أنا كنت هنقل كله بس المراقب والمراقبة كانوا واقفين جنبي عايزين يلموا الورقة وخلاص".