معهد معاوني الامن .زكور و اناث وهوه الوحيد الذى بيقبل اناث

معهد معاوني الامن .زكور و اناث وهوه الوحيد الذى بيقبل اناث 

- في البداية هوضح ، المعهد ده اتفتح امتي وليه ؟

- معهد معاون بديل لمعهد أمناء الشرطة ، لان الوزارة لغت كل ما يخص امناء الشرطه سواء شروط للتقديم والدراسة والترقية واللي موجود دلوقت في الخدمة دول ناس قديمة

فتحوا معهد معاون امن في 2015 للولاد فقط و2016 بقا ولاد وبنات لحد دلوقت ، وعملت رتبة جديدة اسمها معاون امن ودول بديل في الشغل لامناء الشرطة بس الشروط والترقيات بعد التخرج مختلفة

هوه يعني اي الاول معهد معاوني الامن ده؟  هوه البديل ل معهد امناء الشرطه

شروط القبول

- يشترط أن يكون المتقدم مصري الجنسية، ومن أبوين يتمتعان بهذه الجنسية عن غير طريق التجنس.

- ألا يقل عمر المتقدم عن 19 عامًا، ولا يزيد على 25 عامًا في تاريخ فتح باب التقدم للالتحاق بمعاهد معاوني الأمن.

- أن يكون حاصلاً على الشهادة الإعدادية أو ما يعادلها.

- أن يكون المتقدم محمود السيرة حسن السمعة.

- ألا يكون قد سبق الحكم عليه بعقوبة جنائية أو بعقوبة مقيدة للحرية في جريمة مخلة بالشرف أو الأمانة أو تفقده الثقة والاعتبار «ما لم يكن قد رد إليه اعتباره».

- ألا يكون قد سبق فصله من خدمة الحكومة أو القطاع العام أو قطاع الأعمال بقرار أو بحكم تأديبي نهائي ما لم تمضِ على صدوره أربع سنوات على الأقل.

- أن يستوفي شروط اللياقة الصحية والتي يحددها المجلس الطبي المتخصص بهيئة الشرطة.

- أن يجتاز اختبار السمات واللياقة البدنية، والتى يصدر بتحديدها قرار من وزير الداخلية وشملت الشروط ما يلي:

ألا يقل طول المُتقدم عن 170 سم وألا يقل عرض الصدر عن 85 سم «بالنسبة للذكور»، وألا يقل الطول عن 160 سم بالنسبة للإناث.

- ألا يكون مجنداً بالقوات المسلحة أو ملحقًا للخدمة بالشرطة أو بأي جهات الدولة الأخرى.

- ألا يكون متزوجاً أو سبق له الزواج

-هقول الشروط الاساسية

الوزن من ( طولك-100) يعني لو طولك 170 هتنقص منو 100هيكون وزنك 70و ده الوزن المناسب و بالنسبه ليك ذياده كحد اقصه من 5:10كيلو  و لو انت رفيع ليك برضو من 5:10كيلو اقل من وزنك

- الاختبارات .

مقاس وقوام ، قدرات ، طبي ، اتزان ، رياضي ، هيئة ، طبي متقدم.

مدة الاختبارات بتستمر لسنة

- مصاريف ومميزات المعهد

مفيش مصاريف والوزارة متكفلة بيها + ان ليكي مكافأة شهرية طول فترة الدراسة

وبتستفادي بكل المميزات الخاصة برجال الشرطة من تأمين صحي وخدمات اجتماعية

- مدة وطبيعة الدراسة .

مدة الدراسة اكتر من سنة ونص 18 شهر ، متقسمة على 3 مراحل

تدريب اساسي ٦ شهور : ودي مرحلة انتقالية من الحياة المدنية للحياة الميري لمدة 3 شهور وهتتعودي والتدريب على استخدام كافة الاسلحة

تدريب عام ٦ شهور : وده بيعرفك على كل افرع وقطاعات الداخلية وبتدرسي كل حاجة فيها وكمان بتدرسي الدراسات القانونية والإجراءات الجنائية

تدريب تخصصي ٦ شهور : وده هتدربي في تخصص واحد واللي هيكون شغلك فيه بعد التخرج زي مثلا " الجمارك ، المرور ، المطار ، امن مركزي ، الموانئ ، الامن الوطني ، الحماية المدنية ... "

هوضح نقطة في التدريب التخصصي " المعهد بيقيم الطالب ف خلال السنة وعلى اساسه بيصنفه ويخصصه في القطاع المناسب "

- اللبس والرتب .

اللبس زي اي لبس ميري بتاع اي شخص في هيئة الشرطة الفرق بس في الرتب واللي هي

معاون امن ثالث

معاون امن ثان

معاون امن اول

معاون امن ممتاز

معاون امن ممتاز ثان

معاون امن ممتاز اول

-الشغل.

هتشتغلي في القطاع اللي اتخصصتي فيه لمدة سنة تحت الاختبار تحسباً لأي انحراف في السلوك نتيجة التعامل الميداني والتعامل مع المواطنين ولو حصل حاجة بتترفدي.

-الاجازات والمرتبات.

كل جهاز بيختلف عن التاني من حيث الاجازات والمرتبات ده غير الحوافز والمكافات.

*الجهاز ده او القطاع اللي هو هيتم اختيارك ليه ويكون مجال دراستك وشغلك في مرحلة التدريب التخصصي ، للتوضيح*

-لو لسه بدرس في الكلية وعايزة اقدم ؟

هو عادي تقدمي وتوقفي الكلية بس الافضل خلصي كلية الاول وقدمي عشان تكوني متفرغة للمعهد واختبارات المعهد والدراسة والشغل ف صعب بعد التخرج ممكن توفقي بين شغلك وبين دراستك اللي هتكمليها

-هو انا ينفع بعد ما اتخرج من المعهد ، اقدم متخصصين ؟

لا ممنوع وملكيش الحق انك تقدمي لان شروط المتخصصين مش متطابقة عليكي وكمان من شروط المعهد ان مفيش ترقيات ولا انتقالات لحاجة اعلى

المتخصصين حاجة والمعهد حاجة تانية خالص

- اماكن سحب الملف والورق المطلوب.

الورق المطلوب ( قيد للاب اساسي وللجدين احتياطي لأنه ممكن يطلب ، فيش وتشبيه للطالب ، شهادة الاعداديه اصل ، شهادة الميلاد .... دول اهم ورق ولو في ورق زيادة هيعرفوكي وقت سحب الملف )

الاماكن ( معهد معاوني الامن في جسر السويس-القاهرة ،،، معهد معاون الامن في طرة ،،، معهد معاون الامن في مدخل وادي النطرون ،،، معهد تأهيل الافراد في سوهاج حي الكوثر )

اي حد عندو اي استفسار يكتبو ف الكومنتات تحت وهرد عليها... وانا خريج الدفعه الي فاتت و كانت مقدم معهد فني. ق. م و هنزل عنو منشور هوه و التطويع ف الجيش بالنسبه للشباب فقط و ياريت UPوانت معدي علشان الكل يشوف