فكرة عامة عن التنسيق الخاص بالثانوية العامة 2021 للثلاث مراحل و الناجحين من الدور الثانى

كل حاجه عن التنسيق حاول نقرأه كله بتركيز ولو معاك سوالف اكتبوا

ناس كتير مش فاهمه ازاي حوار التنسيق هيحصل بص معايا كده وصحصح
التنسيق 3 مراحل
⁦المرحله الاولي
بتكون 88علمي علوم و80 علمي رياضه و 65% ادبي
المرحله الثانيه
بتكون حوالي 70% لعلمي علوم ورياضه و 60% الادبي
المرحله التالته
بتكون مقسومه جزئين
الحاصلين علي 50% فاعلي ودول بيدخلوا الكليات المتبقيه من للمرحله التانيه ،( غالبا بتكون معهد او كليه تربيه رياضيه او حقوق وما شابه ذلك)
والطلبه الي كانوا ماجلين للدور التاني بعذر قانوني ودول بيكون مكانهم محفوظ في أي كليه حتي كليه الطب طالما هو حصل علي المجموع بتاع الكليه
المرحله الاولي هتفتح يوم السبت
المرحله الثانيه غالبا اول سبتمبر
المرحله التالته بعد ظهور نتيجه الدور التاني مباشره
كل مرحله موقع التنسيق بيكون مفتوح فيها علي مدار 24 ساعه لمده خمس ايام متواصله ومسموحلك تكتب رغباتك في أي وقت في الخمس ايام وتقدر تغير رغباتك في أي لحظة علي مدار الخمس ايام.
المرحله الاولي بتاخد مثلا من 88% يبقي انت لو جايب 87.9% ما تقدرش تنسق مرحله اولي وبتنتظر المرحله التانيه .
طيب انا بكتب. رغباتي ازاي بص معايا يا مؤمن انت مسموحلك تكتب 75 رغبه
طيب هو انا بكون عارف كل كليه هتاخد من كام قبل ما اكتب رغباتي ⁦:interrobang:⁩
لا طبعا يا مؤمن مش بتكون عارف
اومال هكتب رغباتي ازاي بقا
هتكتب حسب التوقعات الي بتنزل
لازم تكون واقعي انت وبتكتب الرغبات بتاعتك يعني انت جايب 88% اكيد طبعا المجموع ده مش يجيب مجموع طب بشري خالص يبقي مش تروح تكتبلي طب بشري في الرغبات ليه بقا عشان حضرتك لو كتبتلي كل كليات الطب البشري وبعد كده كل كليات الأسنان وبعد كده كل كليات الصيدلة وبعد كده كل كليات العلاج الطبيعي كده هتكون كتبت حوالي 75 رغبه وممكن مجموعك مش بجيب مجموع اي رغبه من الي كتبتها وفي الحاله دي بيحصل حاجه اسمها ( استنفاذ الرغبات ) ويتكون لازم تنسق حسب المرحله التانيه بالرغم من انك ممكن تكون جايب مجموع كليه من للمرحله الاولي بس انت بتضيعها من ايديك
طيب كده متفقين انك لازم تكون واقعي في كتابه الرغبات
طيب انا ازاي ارتب ال 75 رغبه بتوعي :interrobang:⁩
رغباتك بتكون مقسومه ل 3 اجزاء
الجزء الاول ده بيكون متاح ليك 7 كليات الي هم اقرب 7 كليات لبلدك فلازم تكتبهم الاول يعني انا من قنا وهكتب الرغبه الاولي طب بشري يبقي هيكون متاح ليك اقرب 6 كليات طب لبلدك يعني قنا وأسيوط وسوهاج وأسوان والأقصر وهكذا يعني ( لازم تكتب محافظتك اول رغبه )
القطاع التاني بيكون متاح ليك شويه كليات ابعد عن بلدك شويه
القطاع التالت بيكون متاح ليك الكليات البعيده خالص خالص من بلدك
يعني انا مجموعي 92% يبقي هكتب رغباتي كده
اول حاجه كليات الطب البشري كلها علي مستوي الجمهوريه وتكون ملتزم بالتوزيع الجغرافي الي قلنا عليه فوق وليكن مثلا كل كليات الطب علي مستوي الجمهوريه 20 كليه
بعد كده اكتب كل كليات الأسنان علي مستوي الجمهوريه وليكن مثلا 15 كليه
كده انت كاتب 35 رغبه وهتكمل باقي الكليات لحد ما تخلص ال 75 رغبه بتوعك
طيب وبعد كده بيحصل ايه يا مؤمن ⁦:interrobang: موقع التنسيق بيقفل لمده 48 ساعه وبيبدا يوزع كل الطلاب علي الكليه المناسبه لمجموعهم طيب ازاي بيحصل
الموقع بيشوف اول رغبه لو انت مش جايب مجموعها ينزل علي الرغبه التانيه ولو انت مش جايب مجموعها ينزل علي الرغبه التالته لحد ما يلاقي الرغبه المناسبه لمجموعك
طيب وبعد ال 48 ساعه دول بيحصل ايه يا مؤمن ⁦:interrobang:⁩:thinking: نتيجه التنسيق بتبان وبتبدا تعرف نفسك دخلت كليه ايه وبتعرف الحد الأدنى لكل كليه كام
وبعد كده بيفتح الموقع لطلاب المرحله التانيه لمده 5 ايام برضوا وبيبداؤا يكتبوا الرغبات حسب الكليات المتاحه ليهم بنفس طريقه المرحله الاولي وبعد كده نتيجه تنسيق المرحله الثانيه بتبان وبتعرف دخلت كليه ايه وبتعرف الحد الأدنى لكل كليه في المرحله التانيه كام
وبعد كده بيحصل ايه يا مؤمن⁦:interrobang:⁩ .
الموقع بيفتح لتقليل الاغتراب لطلاب المرحله الاولي والتانيه
يطلع ابه تقليل الاغتراب ده ,
لو انت جابتلك كليه بعيده عن بلدك وعايز تحول لمكان اقرب بتسجل في تقليل الاغتراب وبنسبه 70% تقليل الاغتراب بتاعك ممكن يتقبل وتحول وخصوصا للبنات
وبعد كده بتكون نتيجه الدور التاني بانت والموقع بيفتح للمرحله التالته وببحصل نفس الكلام الي فوق
الموضوع ابسط مما تتخيل فيه اي اسئله ؟؟